சின்னச் சின்ன ஆசைகள்..

நான் கோபப்பட்டால்
நீ சமாதானம் செய்ய வேண்டும்..
நீ சமாதானம் செய்தவுடன் -நான்
உன் மார்பினில் ஒளிந்து கொள்ள வேண்டும்!!..

நான் சமைத்து வைத்தால்
நீ எனக்கு ஊட்டி விட வேண்டும்..
நீ ஊட்டி விடும் பொழுது -நான்
உன் விரல் கடிக்க வேண்டும்!!..

நான் பாய் விரித்தால்
நீ நானுறங்க உன் மடி தர வேண்டும்..
நீ மடி தந்து உறங்கும் பொழுது -என்
கனவிலும் நீ வர வேண்டும்!!..

நான் குளித்து விட்டு வந்தால்
நீ உடை தேர்வு செய்ய வேண்டும்..
உன் உயிரோடு கலந்த என்னை
நீ மட்டுமே ரசிக்க வேண்டும்!!..

நான் ஊர் சுற்றிப்பார்க்க நினைத்தால்
நீ நானறியாமல் அழைத்து செல்ல வேண்டும்..
நீ அழைத்து செல்லும் இடங்களில் எல்லாம்
நான் உன்னை மட்டுமே ரசிக்க வேண்டும்!!..